02.03.17 01:30

Royal Arctic Linemi systemi nutaaq

 

Paasissutissiissutiginiarparput Royal Arctic Line A/S-imi tuniniaanermi systemi nutaaq atorneqalersoq, umiarsuarlu siulleq systemimi siullermi sullinneqartussaq tassaavoq NUK 1713.

Februaarip 27-at aallarnerfigalugu Aalborgiminngaanniit ingerlaarfissamut tassunga umiarsuanullumi tulliuttunut inniminniisoqarsinnaalerpoq. Assartugassallu ingerlaarfimmut NUK 1713-imut inniminnerneqarsimasut marsip 15-a 2017-imiit tunniunneqarsinnaanngussapput.

Atuisunut suna nutaarsiassaava

Nassiussinissamut normut marluk:

  • Inniminniinermut normu
  • Assartuinermut normu (nutaaq)

Systemi tuluttut aaqqissuunneqarsimavoq:

  • POL aammalu POD = Umiarsualivik nassiussivik umiarsualivillu tikiffissaq
  • Vessel aammalu voyage = Umiarsuaq aammalu ingerlaarfik
  • Shipper aammalu consignee= Nassiussisoq tigusisoq

Assartugassat ulorianartut
Assartugassat ulorianartut massakkuminngaanniit inniminnerneqaqqaartalissapput, aatsaallu Royal Arctic Line A/S-iminngaanniit inniminniinermut uppernarsaat nassiunneqarsimappat tunniunneqarsinnaalissallutik. Tamanna isumaqarpoq atuisut assartugassanik ulorianartunik tunniussiartorsinnaanngitsut Royal Arctic Line A/S-iminngaanniit inniminniisimanermut uppernarsaammik pitigatik.


Inniminniinermut uppernarsaat tunniussilernermi piumasaqaataavoq
Royal Arctic Line A/S-iminngaanniit naatsorsuutigineqarpoq atuisut assartugassanik tunniussiartoraangata inniminniinermut uppernarsaat nassarneqartassasoq. Taamannak iliortalerniarluta aaliangerpugut tunniussisarnerit sukkanerusumik ingerlanneqartalerniassammata aammalu inniminniisimanermut uppernarsaat atorlugu assartugassap inniminnerneqarsimanera sukkanerusumik takuneqarsinnaasarniassammat.

Nittartakkakkut inniminniineq
Atuisut nittartagarput aqqutigalugu inniminniisimasut eqqaamassavaat assartugassat tunniukkiartorneqarsinnaanngitsut Royal Arctic Line A/S-iminngaanniit inniminniinermut uppernarsaammik pitigatik. Inniminniisoqarsimatillugu atuisut tamarmik inniminniinermut uppernarsaammik nassinneqartassapput, taassumalu kingorna aatsaat assartugassaq tunniunneqarsinnaanngortassaaq.

Atuisugullu ilisimatikkusuppagut systemip atuleqqaarnerani inniminniiniarnermi, tunniussiniarnermi aallernermilu utaqqisoqartarsinnaasoq. Taamaattumillu atuisugut qinnuigivagut naammagittalaarnissaannik.