14.03.17 11:00

Irena Arcticap ingerlaarfia 1710

 

Irena Arcticap ingerlaarfimmini 1710-mi Aasiaat, Ilulissat Qasigiannguillu tikeriarniarpai.

Avannaani sikup pissusaa malinnaaffigiinnaavipparput, kisiannili maannangaaq oqaaseqarsinnaanngilagut orninniakkagut tikissinnaanerlugit.

Taamaakkaluartoq avammukarluta siku qanoq innersoq alakkarniarparput.

Assartugassat Ilulissanut Qasigiannguanullu ingerlaqqittussat ingerlaarfimmi 1707-imi Aasianni usingiarneqarsimasut, ingerlaarfimmut 1710-mut usilersuutigineqassapput Ilulissanut Qasigiannguanullu ingerlateqqinneqarniassammata.

Maluginiaqquarpullu Irena Arcticap ingerlaarfia IRE1710 tassaammat ”ingerlaarfik aappaluttoq”, taannalu isumaqarpoq ingerlaarfik aatsaat iluatsinneqarsinnaasoq sikup silallu pissusaa ajunngippata assartugassallu amerlassusaat ajunngippata.

Avammukarniarneq iluatsissinnaanngippat atuisut eqqarsaatigilereertariaqarpaat assartugassaatitik qanoq pineqassanersut.

Allannguuteqarsinnaanissaat piareersimaffigineqassapput.
Saqqummiunneqartut pillugit apeqqutissaqassaguit Royal Arctic Linep atuisunut kiffartuussivia Kalaallit Nunaanniittoq saaffigineqarsinnaavoq kundeservice@ral.gl –imut oqarasuaammulluunniit +299 70 15 00-imut. Atuisunut kiffartuussivik Danmarkimiittoq aamma saaffigineqarsinnaavoq bookingaalborg@ral.dk –mut oqarasuaammulluunniit +45 99 30 30 99-imut.

Inussiarnersumik Inuulluaqqusilluta
Royal Arctic Line