02.03.17 10:30

Irena Arcticap Aasiannukarnini iluatsippaa

 

Irena Arctica ingerlaarfimmi IRE1707 ippassaq unnukkut Aasiannukarnini iluatsippaa. Qeqertarsuup tunuanili sikoqarnera aammalu kitaaninngaanniit anoreqarnera peqqutaalluni siku Qeqertarsuup tunuani aammalu Aasiaat Sisimiullu akornanni annertusiartorpoq, taamaattumillu umiarsuaq sikugussaannginnermini sukkanerpaamik kujammut aallartariaqarpoq. Tamannalu isumaqarpoq umiarsuaq Ilulissanut Qasigiannguanullu ingerlaqqinngitsoortoq.

Illoqarfinnut tikinneqanngitsoortunut assartugassat Aasianni usingiarneqarallassapput aatsaallu umiarsuaqaqqippat ingerlateqqinneqassallutik. Atuisulli allamik kissaateqarsinnaapput.

Atuisut assartugassaatitik Aasiannukartinnagit illoqarfimmut allamut ingerlateqqikkusukkunikkit taava atuisunut kiffartuussivik  kundeservice@ral.gl –imut oqarasuaammulluunniit +299 70 15 00-imut saaffiginnissapput kingusinnerpaamik marsip aappaat 2017 nal. 12.00.

Erseqqissarniarparpullu Irene Arcticap ingerlaarfia IRE1707 ”ingerlaarfiummat aappaluttoq” tamannalu isumaqarpoq aatsaat sikup silallu pissusaa ajussanngippat assartugassat assartorneqarsinnaasut.

Allannguuteqarsinnaanissaat piareersimaffigineqassapput.
Ajuusaarutigaarput allannguineq arlaatigut ilinnut ajoqutaasimassappat.

Saqqummiunneqartut pillugit apeqqutissaqassaguit Royal Arctic Linep atuisunut kiffartuussivia Kalaallit Nunaanniittoq saaffigineqarsinnaavoq kundeservice@ral.gl –imut oqarasuaammulluunniit +299 70 15 00-imut. Atuisunut kiffartuussivik Danmarkimiittoq aamma saaffigineqarsinnaavoq bookingaalborg@ral.dk –mut oqarasuaammulluunniit +45 99 30 30 99-imut.