20.03.17 10:30

Irena Arctica Maniitsumut tulanngitsoortoq

 

Irena Arcticap ingerlaarfimmini 1710-mi avannamut ingerlaarnermini anorlerpallaarnera peqqutigalugu Maniitsoq tikissinnaasimanngilaa. Qeqertarsuup tunuanut assartugassaqarpallaarnera peqqutigalugu assartugassat Maniitsuliartussat Sisimiuni usingiarneqassapput. 

Sikup qanoq issusaa ajussanngippat Irena Arctica ingerlaarfik 1710 (ingerlaarfik aappaluttoq) Qeqertarsuup tunuanukassaaq, taassumalu kingorna kujammukaarnermini Sisimiunut usit Maniitsuliartussat tigoriarlugu Maniitsumut ingerlateqqinneqassallutik.

Allannguuteqarsinnaanissaat piareersimaffigineqassapput.
Ajuusaarutigaarput allannguineq arlaatigut ilinnut ajoqutaasimassappat.

Saqqummiunneqartut pillugit apeqqutissaqassaguit Royal Arctic Linep atuisunut kiffartuussivia Kalaallit Nunaanniittoq saaffigineqarsinnaavoq kundeservice@ral.gl –imut oqarasuaammulluunniit +299 70 15 00-imut. Atuisunut kiffartuussivik Danmarkimiittoq aamma saaffigineqarsinnaavoq bookingaalborg@ral.dk –mut oqarasuaammulluunniit +45 99 30 30 99-imut.