19.05.17 01:00

Sullissanut paasissutissaq

 

Royal Arctic Line A/S-imit inniminniinermut atortorissaarutip nutaap LIMA-p atulernerani siuariartorneq maluginiarparput, juunillu qaammataanit nalinginnaanerusumik ingerlalernissaq naatsorsuutigivarput. 

•                    Naja Arctica 1717-ip Aalborgimut uani sapaatip akunnerani tikinnera LIMA-p atulerneranit siullerpaajuvoq, tassanilu nassiussanik assartukkanillu tunniussuineq piffissaliussap iluani ingerlanneqarsimavoq.

•                    Aalborgimi akileraaruserinermut ilanngaaserinermullu tunngasunik ajornartorsiutit periutsit immikkut ittut atorlugit isumagineqarput oqartoqarsinnaavorlu tamanna ajunngitsumik ingerlasoq. Taaneqartullu iluini ingerlanerput aamma nalinginnaasunngoriartorpoq. 

•                    LIMA-mi akiligassiissutit qalleraapput, peqqutigalugu umiarsualivimmi sullissanillu kiffartuussinermi inniminniinermut assartugassanillu isumaginninnerit salliutittariaqarsimanerat. Maannali qalleraanneq anigoriartorneqalerpoq maanna umiarsualivimmi immikkoortortaqarfitsinnit apriilip qaammataani kinguaattoorutit sapinngisaq tamaat naammassiniarneqarnerisigut.

•                    Maanna suliffeqarfiup iluani systemip atornerani ingerlanneranilu unammiornartuusut ikiliartorput maannalu Atlantiku ikaarlugu ingerlasussat feederinullu usilersuinissanut usingiarnissanullu pilersaarutsiornernut  tunngasut nalunaarsorneri pitsaanerujussuanngorput.

 

Sulili unammiornartunik peqarpoq:

•                    Nunaqarfinnut avaannaani ittunut assartugasanik pilersaarusiuussinerit suli immikkut tamaviaarnarput aamma systemip naleqqussarneri eqqarsaatigalugit. Nunaqarfinnut ingerlatassanut atatillugu akiligassiissusiortarneq pitsaanngorsartariaqarpoq akiligassiissummik assartukkallu allagartalersornerisa tunniunneqartarnerinut atatillugu. Tamannalu piareerlugu naammassissangatinneqarpoq juunip qaammataata qiteqqunnerani.

•                    Royal Arctic Linep terminaliini inniminniinermullu systemit akornanni ataqatigiissaariniarnermi ajornartorsiutaasut annertuumik  piffissaajarnarput aammalu qullersaqarfiup umiarsualiviillu akornanni assartukkanik isumaginninnerit eqqarsaatigalugit.

•                    Suli kukkunerit unammiornartortaqarput pisariaqartinneqarlutillu pisariaqartumik naleqqussaaniarnerit kisiannili tamakku tamarmik nalunaarsorneqarput pingaarnersiuinerillu ingerlanneqarlutik ajornartorsiutaanerpaasullu pitsaanngorsarniarneqarlutik.

•                    Sinerissami suli annertusisamik atuisussat sungiusarnissaat utaqqisaavoq.

 

Maannali nammassinissaq siunermi erseriartorpoq:

•                    Misilliilluni ingerlatsinerit kingunerisigut nutarterinerit sapaatit akunneri allortarlugit ingerlanneqartarput. Naatsorsuutigivarpullu pingaarnerpaamik aaqqissuinissat uani sapaatip akunnerata naanerani piumaartut. Juunip qaammataata aallartinnerani qiteqqunneranilu nutarterinissat suli marluk pereerpata naatsorsuutigivarput systemi ingerlatsinerlu patajaalliumaartut. Tamannami pisariaqavippoq aasaanerani ulappunneq aallartitsinnagu.

•                    Tamatuma kingorna suliassanngussapput ingerlatsiuminarsaanerit aammalu assartukkat ”sumiiffissiorsinnaanissaannut” atortut pilerseqqinnissaat, piuminarnerusumik inniminiisinnaalernissat, sullissat suleqatigisallu peqatigalugit ataqatigiissaarinissamut tunngasut il.il.

 

Suli pisortat akornanni pinartut pillugit ataatsimiinnerit marlunngornerit sisamanngornerillu tamaasa ingerlattarpagut, tamaviaarlutalu suliuarpugut ajornartorsiutaasartut aaqqinniarsaralugit.

Maanna pissutsit nalinginnaanerusut tikikkiartuaarpagut. Paaseqqoqaarpulli, suli aaqqivinneq angunnginnatsigu.

LIMA aallaaviuvoq suleriaqqinnissatsinnut toqqammavissaq. Tassami atortutoqqat ullutsinnut naleqqussarnissaat ajornarsimavoq. Taamaattumik massakkut allanngortiterinerput pisariaqartuuvoq siunissami patajaatsumik, pitsaasumik eqaatsumillu ingerlasinnaanissarput angujumallugu. Allannguinerit ikiussavaatigut digitalinngorsaasinnaanissatsinnut, taamallu nunarsuaq tamakkerlugu suliffeqarfinnik niueqatinillu suleqatiginnilluarsinnaalernissatsinnut. Taamaattumik allanngortiterineq ilaavoq Kalaallit Nunaata niueqatigiuminarsarniarneranut.

Kisianni nassuerutigissavarput allanngortiterinerit maannatut sullissanut allarpassuarnullu akornusersuutaatigisumik pilersitsisariaqarsimanngikkaluarmata. Tassami pitsaanerusumik ingerlatsisinnaasimagaluarnitsinnut allattukkat amerlaqaat. Tamannalu Royal Arctic Line sinnerlugu siullerpaallunga utoqqatsissutigiumavara.

Aammali taasariaqarpoq sulisut sulilluarsimaqisut amerlasimaqimmata. Tulluusimaarutigaaralu sulisugut qanoq amerlatigisut ingerlariaqqinnissarput angujumallugu ipummiinnarlutik tamaviaarlutik sulerulussimasut takullugit. Ingerlaqqissaagummi. 

Nutaarsiassiissusiortarnerit nittartagarpullu atorlugit ineriartorneq pillugu ingerlaavartumik paasissutissiisarumaarpugut.

 

Inussiarnersumik inuulluaqqusillunga

Royal Arctic Line A/S

Verner Hammeken