10.05.17 03:30

2016-imut nalunaarusiaq

 

Royal Arctic Line ilorraap tungaanut ingerlavoq

Umiarsuaatileqatigiiffiup siulersuisuisa, suliffeqarfiup 2016-imut nalunaarusiaa, akuerivaat tassanilu takuneqarsinnaavoq suliffeqarfik 143 millioner koruuuuninik akileraarutinut akiliisoqannginnerani sinneqartooruteqartoq, akileraarutillu akilerneqareerneranni sinneqartoorut 98 millioner koruunini inissisimalluni.

Umiarsuaatileqatigiiffik eqqarsaatigissagaanni 2016-imi sinneqartoorut eqqarsaatigalugu, umiarsuaatileqatigiiffik aatsaat taamak sinneqartoorfiusimatigivoq. Umiarsuaatileqatigiiffimmi suliffeqarfissuup inissisimanera aaqqissuussaaneralu peqqutigalugit iluanaaruteqarfiusimavoq. Taamaasiornikkummi sulisunut allaffissornikkullu aningaasartuutit appariaateqarluarsimammata. Naammassisaqarsinnaassuseq 2016-imittaaq qaffariaateqarsimavoq, tassami assartugassat kujammukartussat avammukartussallu annertuseriaateqarsimammata.

Tamakku tunuliaqutaralugit inernerusimasut naammagisimaarnarput.

Royal Arctic Linemi aningaasartuutaasussat suli ukkatariniarneqarput, tassami umiarsuarnut nutaanut umiarsualivimmullu nutaamut aningaasartuutaasussat annertunerusussaammata, taakkuami 2017-imi aningaasatigut ineriartornermi assut malunnaataasussaapput.

Ukiumut nalunaarusiaq 2016-imoortoq ugguuna takuneqarsinnaavoq.

Paasisaqarnerorusukkuit siulersuisuni siulittaasoq, Kuno Fencker, kunof@icloud.com –imut saaffigineqarsinnaavoq oqarasuaammulluunniit +299 58 88 21-imut.