20.06.17 04:00

Royal Arctic Line Aarhus Havnillu akornanni isumaqatiginninniarnerit aallartipput

 

Royal Arctic Linemiit paasissutissiissutigineqarpoq umiarsuaatileqatigiiffimminngaanniit ullumikkut 20. juni 2017 Aalborg Havn A/S paasitissimagaa Royal Arctic Lineminngaanniit kissaatigineqartoq Aalborg Havnip atorunnaarneqarnissaa. Royal Arctic Lineminngaanniillu ingerlaarfiit allannguuteqarnerisa kingorna Aarhus Havni tulaffigisalissagaa.

2022 sioqqullugu pisussat pillugit Royal Arctic Linep Aalborg Havn isumaqatiginninniarnissamut qaaqquaa.

Verner Hammeken, Royal Arctic Linemi Pisortaaneq:

”Aarhus Havnip siunissami Danmarkimi tulaffigisalernissaanut peqqutaasoq tassaavoq Royal Arctic Lineminngaanniit ingerlatseriaaseq ajornaannerusoq pitsaanerusorlu kissaatigineqarmat. Atuisugut assartuinerup iluani pitsaanerusunik periarfissinneqassapput.”

Royal Arctic Linemi sulissutigineqartut pingaarnerpaat ilagaat isumaqatigiissutaasut avataatigut niuernerup iluani pioreersut nutaallu tunngavigalugit ineriartortitsineq.

Kuno Fencker, Royal Arctic Linemi siulersuisuni siulittaasoq:

”Assartuinerup iluani Aarhusimut talittalertoqarnissaanut allannguineq Kalaallit Nunaata toqqaannarnerusumik avammut assartuisinnaanerani periarfissanik pilersitsissaaq. Royal Arctic Linemi ineriartornerup taassuma Kalaallit Nunaat ajornannginnerusumik niueqatigineqarsinnaanera ammaasiffigissavaa, taakkualu Kalaallit Nunaanni ineriartortitsisoqarnissamut periarfisseeqaassallutik”.

Paasissutissat sukumiinerusut: Verner Hammeken, Royal Arctic Linemi Pisortaaneq: +299 34 91 01

Royal Arctic Line
Suliffeqarfik tassaavoq Royal Arctic Line A/S, taanna Namminersorlutik Oqartussanit pigineqarpoq. Kalaallit Nunaata nunarsuullu sinnerata akornanni assartuineq aammattaaq Kalaallit Nunaanni illoqarfiit akornanni imaatigut angalaneq Royal Arctic Linep umiarsuaataanit ingerlanneqarpoq, kiisalu usit nunaqarfinnut tamanut assartorneqartarput.

Kalaallit Nunaata ineriartortinneqarnissaanut iluaqutaasussat.pdf