16.06.17 04:25

Johanna Kristina pillugu paasissutissat nutaat

 

Maanna kalittaat Tasiilamut ingerlaarpoq Johanna Kristina Nuummut amutsivimmukaanniarlugu. Qanoq sivisutigisumik amutsivimmiissanersoq suli nalunarallarpoq.

Sapaatip akunnerata tulliani ulluni arlalinni m/v Adolf Jensen attartorparput. Silassaq sikoqarneralu apeqqutaallutik assartugassat angalaneq 1723-imut ilaatinneqassapput.

Angalaneq 1726-imut m/v Tórsvík attartorparput, taassuma Johanna Kristinap tunumi angalaqqilernissaata tungaanut taarserallassavaa. 

Allannguuteqarsinnaanissaat piareersimaffigineqassapput.
Ajuusaarutigaarput allannguineq arlaatigut ilinnut ajoqutaasimassappat.

Saqqummiunneqartut pillugit apeqqutissaqassaguit Royal Arctic Linep atuisunut kiffartuussivia Kalaallit Nunaanniittoq saaffigineqarsinnaavoq kundeservice@ral.gl –imut oqarasuaammulluunniit +299 70 15 00-imut. Atuisunut kiffartuussivik Danmarkimiittoq aamma saaffigineqarsinnaavoq bookingaalborg@ral.dk –mut oqarasuaammulluunniit +45 99 30 30 99-imut.

Inussiarnersumik Inuulluaqqusilluta

Royal Arctic Line