14.07.17 01:00

Royal Arctic Linemi pitsaassutsimik uuttortaaneq

 

Royal Arctic Linep systemit nutaat, suleriaatsit nutaat ilaatigullu sulinermik aaqqissuusseqqinneq pissutigalugit pitsaassutsitigut ajornartorsiuteqarluni nassuerutigaa. Pitsaassutsitigut ajornartorsiutip pineqartup killiffia pillugu sullitavut suleqatigisavullu avitseqatigerusuppagut. Taamaammat containerit pilersaarutit malillugit nassarneqarsimanngitsut, imaluunniit kukkunikkut allamut niuneqarsimasut pillugit kisitsisitigut paasissutissat takusassiaraagut.

Royal Arctic Line pitsaassutsip pitsaanerulersinnissaanut suliamik aallartitaqarpoq pilersuisullu, avataaneersunik allanillu ikiorteqarluni kukkunerit tamakku sapinngisamik sukkanerpaamik 0-inngortinniarlugit sulissutiginiarpaa. Kukkunernik iluarsaassinermi iluarsiinerup kingorna (tunniussinerit pereerpata) sapaatit akunneri 2-3-t iluanni pitsaassuseq pisarnermisut ilissaaq. Kukkunerit nutaat sapaatit akunneri 2-3-t iluanni, siusinnerusukkulluunniit, unitsissinnaassallugit neriuutigaarput. Pitsaassutsikkut inissisimaneq taamaalilluni sapaatit akunneri 5-7-it ingerlanerini pisarnermisut ilisussaassaaq, tamannalu pitinnagu malunnaatilimmik pitsanngoriaateqarfiulluni.

Tamanna sioqqullugu sapaatit akunnikkuutaartumik ataasinngornerit tamaasa kisitsisitigut paasissutissat saqqummiuttassavagut.

Inussiarnersumik inuulluaqqusilluta
Royal Arctic Line