14.07.17 12:00

Malik Arctica angalaneq 1725

 

Ilisimatitsissutitut Malik Arcticap maanna angalanera 1725 malunnaatilimmik kinguaattooqqaffiuvoq.

Qaanaap eqqaani sikoqarpallaarnera pissutigalugu angalaneq aatsaat maanna aallartinneqarsinnaasimavoq.

Sulilu sikoqarpallaarnera pissutigalugu Qeqertaq tikinneqarsinnaassanngilaq. Usit tassunngartut Qaanaamut niuneqassapput.

Malik Arctica angalanerup 1725-p kingorna Aalborgimut uterluni juulip 29-ani tikissangatinneqarpoq.

Tamannalu soorunami allannguuteqarsinnaavoq.
Ajuusaarutigaarput allannguineq arlaatigut ilinnut ajoqutaasimassappat.

Tamakku pissutigalugit Malik Arctica 1729 aamma kinguaattuussaaq - Aalborgimit juulip 31-ani aatsaat aallarsinnaanissaa naatsorsuutigigatsigu - pilersaarutit malillugit ullunik qulingiluanik kingusinnerusumik.

Nassiussaleriffiup gatellu ammasarfii maannamuugallartoq allannguuteqanngillat.

Paasissutissat amerlanerusut ingerlaqqiffissaq toorlugu pissarsiarineqarsinnaapput: http://www.ral.gl/ingerlaarfiit/umiarsuit/malik-arctica/

Saqqummiunneqartut pillugit apeqqutissaqassaguit Royal Arctic Linep atuisunut kiffartuussivia Kalaallit Nunaanniittoq saaffigineqarsinnaavoq kundeservice@ral.gl –imut oqarasuaammulluunniit +299 70 15 00-imut. Atuisunut kiffartuussivik Danmarkimiittoq aamma saaffigineqarsinnaavoq bookingaalborg@ral.dk –mut oqarasuaammulluunniit +45 99 30 30 99-imut.