04.01.17 03:00

Immikkut ittumik Uummannamukarneq

 

Maanna sila sikulu allanngoriarmata Royal Arctic Linep umiarsuaaraatini Ivalo Arctica Aasianninngaanniit Uummannamukartinnialerpaa. Umiarsuaaqqap usit 700 kubikmeterisut annertutigisut juullinnginnerani apuutinngitsoornikut ilarpassui apuunniarsariniarpaat. 

Usit Uummannamukartussat tamarmik apuunniarsarineqassapput, silallu sikullu atoruminassusaa apeqqutaalluni imaassinnaavoq ingerlaartoqaqqittoq, taamaasiortoqassappammi usit Uummannap pigisaanut ingerlaqqittussat apuunneqarsinnaassagamik. 

Umiarsuaq tikiffissaminut apuussinnaassanngippat, userineqartullu Aasiannut uterteqqinneqarumanngippata taava atuisut Royal Arctic Linep atuisunut kiffartuussisarfianut saaffiginneqquneqarput.

Paasissutissanik nutaanik saqqummiussisinnaanngorutta oqaaseqaqqikkumaarpugut.

Ivalo Arcticap ingerlaarfissaa 1701U maanna ima isikkoqarpoq:

Januaarip tallimaat Aasianniit allassaaq nal. 21.00
Januaarip arfernat Uummannamut tikissaaq      nal. 20.00
Januaarip arfineq-pingajuat      Aasiannut tikissaaq nal. 08.00

 

Allannguuteqarsinnaanissaat piareersimaffigineqassapput.

Apeqqutissaqassagussi Royal Arctic Linep atuisunut kiffartuussiviat kundeservice@ral.gl –imut imaluunniit +299 70 15 00-imut saaffigineqarsinnaapput.