13.02.17 03:45

Immikkut ittumik umiarsuup Qeqertarsuup tunuanukarnera iluatsittoq

 

Irena Arcticap ingerlaarfimmi 1704-mi Aasiaat, Ilulissat Qasigiannguillu suli sikoqaraluartoq immikkut ittumik orninnissai iluatsippai.                                

Kitaata sikuata Kalaallit Nunaata kitaani aammalu Qeqertarsuup tunuani sikoqarnera peqqutaalluni ingerlaarfiit arlallit nalunaarsorneqarsimapput aatsaat ingerlaarfik iluatsissinnaassasoq sikup qanoq issusia apeqqutaalluni.

Umiarsuaq containerinik 130-init amerlanerusunik useqarpoq taakkualu Qeqertarsuup tunuaniittunut illoqarfinnut ingerlanneqartussaallutik, illoqarfinnilu taakkunani aamma containereqarpoq ingerlaqqittussanik 152-inik amerlatigisunik. Umiarsuullu tulassinnaanerata kingunerivaa maanna illoqarfinni taakkunanni pisiniarfiit nutaarsiassartaqalersut aammalu qerititsiviit tunisassiassanik nutaanik imerneqarsinnaaleqqinnerinik.

Ilaanneeriarluta sikumik silamillu iluatitseriasaartarpugut, soorlu uani ingerlaarfimmi taamaattoqartoq.

Nunasarnernerata Qeqertarsuup tunuani siku annikinnerulersippaa, taamaattumillu Ilulissiarneq Qasigiannguanukarnerlu iluatsissinnaasimapput.

Sisimiut Aasiaallu akornanni siku ajornartorsiutaanerusimavoq, tassanilu piffissaq annertunerusoq atorlugu ingerlaartoqarsimalluni.

Qeqertarsuup tunuanut ingerlaartoqaqqinnissaanut pilersaarutip tullia (siku, anori silassarlu apeqqutaatinneqarlutik) martsimut inissinneqarsimavoq ingerlaarfik 1707-imut.