28.04.17 03:00

Tusagassiuutinut nalunaarut

 

Januaarip 25-ani Royal Arctic Line kinamiullu umiarsualiortarfiat, Wenchong, 2.150 TEU-mik angitigisumik containerinut assartuutissamik umiarsuarmik sanatitsisoqarnissaanut isumaqatigiissusiortoqarpoq, umiarsuarlu 2019-ip upernaanerani tunniunneqassalluni. Umiarsuup aningaasalersorneqarnissaa manna inissippoq, tyskit bankiat KfW suleqatigineqarasigut, aammalu kinamiut avammut tunisassiornissaanut qulakkeerinninneq sillimmasiisarfimmiit Sinosureminngaanniit tunniunneqarluni. Umiarsuaq USD-inngorlugu 32 millioneqassaaq Royal Arctic Linelu nammineerluni akip 20 %-iata missaa akilerpaa.

Verner Hammeken, Royal Arctic Line A/S, Pisortaaneq oqarpoq:

Nuannaarutigeqaarput containerinut assartuutissatta 2.150 TEU-mik angissusillip, aningaasalersorneqarnissaa maanna inissimmat, taassumalu suliniutip Kalaallit Nunaata ajornannginnerusumik niueqatiginiarnissaa tunngavilersorpaa. Royal Arctic Linemiit aaliangiunneqarsimavoq suleqatigisareersimasaq KfW, aningaasaliinermut suleqatigineqassasoq, tassungalu peqqutaavoq atugassarititaasut pitsaasuummata suleqatigiilluartoqarsimammallu. Aningaasalersuinissap inissinneqarnerata Royal Arctic Linep atlantikukkut assartuutit nutaanngorneqarnissaat qulakkeerneqarpoq, taamaasillunilu Kalaallit Nunaat aamma aatsaat taamak angitigisumik containerinut assartuutitaalerpoq, taamaasillutalu aamma terminalinut umiarsualivik nutaaq Nuummi sananeqartoq atorluarneqarsinnaanngussalluni.