12.04.17 02:35

Nassiussinermi allannguineq

 

Maajip aallaqqaataa 2017 aallarnerfigalugu Royal Arctic Linemi pisinermi nassiussap tigunerani akiliisinnaaneq unitsinneqarpoq. 

Pisinermi nassiussap tigunerani akiliineq isumaqarpoq Royal Arctic Linep pisiap assartuinerullu nalinga akisussaaffigigaa.

Pisiniarneq assartuinerlu pisiniap tuniniaasullu imaluunniit nassiussisup tigusisussallu akisussaaffigissavaat Royal Arctic Linelu niuernermi tassani peqataarusunngilaq.
Kisitsisaatigut malillugit atuisut kiffartuussinermik taassuminnga atuinerat annikilliartuinnarpoq, tamannalu aamma nunani allani takussaavoq. Kiffartuusseriaaseq piumaneqarpallaarunnaariartorpoq atuisullu ikiligaluttuinnarlutik, taakkulu maanna namminneerlutik aaqqissutaasinnaasumik nassaassapput. Taakkualu saniatigut aamma assartuisitsinermi systemerisatta nutaap iluani aamma aaqqiisoqartariaqartussaassagaluarpoq, taamaasiornerlu aamma imminnut akilersinnaanaviarnani.

Pisinermi nassiussap tigunerani akiliisinnaanerup maajip aallaqqaataani 2017 unitsinneqarnerata kingunerissavaa, Nuka Arcticap ingerlaarfianit 1718-imit maajip qulingani aallartussamit, umiarsuillu allat sinneri taassuma kingorna aallartussani pisinermi nassiussap tigunerani akiligassaliinikkut assartuisitsisoqassanngitsoq.

Qulaani taakkartorneqartut pillugit apeqqutissaqassagussi kundeservice@ral.gl –imut saaffiginnittoqarsinnaavoq.