16.08.17 02:00

Kraanit nutaat siullermeerluni atorneqalerput

 

Qerisunut containerit avammut nassiussassat atorneqartarnerat annertusiartuinnarpoq, taamaattumik Royal Arctic Linep umiarsuaq Ice Moon Tysklandimeersoq attartorpaa, taamaalilluni qerisunut containerinik annertunerusumik aalisakkanut raajanullu atugassanik killilersugaanngitsumik atuinissamut periarfissiisoqarpoq.  

Ice Moon FCL containerinik oqimaatsunillu useqarpoq, umiarsuarli nammineerluni kraaneqanngimmat Nuummi umiarsualivittaami kraanit nutaat usingiaanermut usilersuinermullu siullermeerluni atorneqassapput.  

Naatsorsuutigineqarpoq umiarsuaq Nuummut tikissasoq tallimanngornermi aggustip 18-iani 2017.