23.12.16 08:00

Upernaviup Uummannallu eqqaa sikumit matuvoq

 

Pajuttaat Vestlandialu siku peqqutigalugu ingerlaarfitik naammassisinnaanngilaat. Ingerlaarfiillu pineqartut tassaapput PAJ1649 & 1650 aammalu VES1649 & 1650.

Nassiussassat tamarmik Upernaviup eqqaani usingiarneqarsimapput.

Royal Arctic Line Uummannap eqqaani nassiusssassat tamaassa assartorlugit aallugillu naammassitigani ingerlaqqittariaqarsimavoq.

Upernaviup, Sigguk Uummannallu kangerluani siku peqqutigalugu Royal Arctic Line piffimminngaanniit ingerlapallattariaqarsimavoq.

Ullup ataatsip ingerlanerani siku sukkasoorujussuarmik ineriartupallassimavoq, maannakkullu Sigguup nalaani Pajuttaat mattussaaqqajaalerpoq.

Pajuttaat Upernavimmut containerinik aallissaaq, tassanngaanniillu Uummannamut prammi aariarlugu Aasiannut ingerlaqqissalluni.

Siku sukkasoorujussuarmik alliartorpoq, kitaatalu nalaani sikumit matusimalluni taamaattumik Royal Arctic Linep ingerlaarfiit taakkartorneqartut naammassisinnaanngilai.

Tamannalu isumaqarpoq umiarsuaaraq piffinnut taakkununnga tikeqqissanngikkallartoq, tikittoqaqqinnissaalu aatsaat naatsorsuutigineqassasoq 2017-ip upernaani.

Atuisut massuminnga eqqugaasut Royal Arctic Linep atuisunut kiffartuussivianut +299 70 15 00-imut mailimulluunniit kundeservice@ral.gl –imut saaffiginneqquneqarput.

Maluginiaqqusaq, nassiussassi assartorneqarnissaat qulakkeerussiuk sillimmasiisarfik atugarsi attavigisariaqassavarsi.

Apeqqutissaqassagussi Royal Arctic Linep atuisunut kiffartuussivia oqarasuaammut +299 70 15 00-imut mailimulluunniit kundeservice@ral.gl –imut attavigineqarsinnaavoq.