13.12.16 00:00

Ulluni tulliuttuni umiarsuaaqqanut paasissutissat tunngasut

 

Umiarsuaaqqat uku pillugit pilersaarusiortoqarnikuuvoq:

Pajuttaat ingerlaarfimmi PAJ1647-mi decembarip 13-iani 2016 Kangaatsiamukassaaq. Decembarillu 14-iani PAJ1648 Upernavimmut nunaqarfiinullu ingerlaassalluni. Taannalu sikut apeqqutaallutik taamaatiinnarneqarsinnaavoq.

Vestlandia ingerlaarfimmi VES1647-imi Uummannap tungaanut ingerlaassaaq. Tassanilu nalunaarutigineqarnikuuvoq sikoqartoq. Ingerlaarfiup tullia VES1648 VES1649-ilu ataatsimut ingerlanneqassapput.

Anguteq Ittuk ingerlaarfissaa AEQ1649D aatsaat aallartinneqassaaq Atlantikukkoortartoq umiarsuaq 1649 Aasianneereerpat. Ingerlaarfissaminilu aqqusaagassat VES1648-imeersut aammalu IVL1649-meersut ilai tiguneqassapput taakkua oqilisaanniarlugit.

Ivalo Arctica ingerlaarfissani IVL1648 unnugu Aasianninngaanniit aallartissavaa. Ingerlaarfissamilu tassani Uummannakkoortussaavoq Vestlandia oqilisaanniarlugu.

Umiarsuarnut tamanut paasissutissat tunngasoq tassaavoq avannaani ukiuusoq taamaammallu siku umiarsuaaqqanut ajoqutaallattaarsinnaasoq. Kingullermik Pajuttaatip Upernaviup eqqaani ingerlaarnerani Kullorsuarmut Nuussuarmullu talinnissaralua siku peqqutaalluni taamaatiinnartariaqarsimapput. Nassiussassallu Upernavimmut usingiarneqarsimapput PAJ1649-mullu inissinneqarsimallutik. Kisiannili aamma nalunarpoq PAJ1649 Kullorsuarmut Nuussuarmulluunniit talissinnaanersoq.

Uummannami kangerluk aamma ingerlavigiuminaassiartorpoq, taamaattumillu pilersaarusiani aamma allanngortoqarnissaa naatsorsuutigineqarsinnaavoq.

Kitaani Kujataanilu angallanneq suli pilersaarutit malillugit ingerlanneqarput Angaju Ittuk kingoraartissanik utaqqisaminik peqquteqartumik, ullormik ataatsimik kinguaattooqqanera eqqaassanngikkaanni.

Allannguuteqarsinnaanissaat piareersimaffigineqassapput.

Allannguutit arlaannut ajoqutaasinnaappata ajuusaarutigaagut.

Apeqqutissaqassagussi Royal Arctic Linep atuisunut kiffartuussiviat kundeservice@ral.gl –imut imaluunniit +299 70 15 00-mut saaffigineqarsinnaapput