15.12.16 00:00

Nuussuaq aamma Kullorsuaq sikumik matusaapput

 

Ilisimatitsissutigissavarput sikunera peqqutigalugu Pajuttaat nunaqarfinnut Nuussuaq aamma Kullorsuarmut angalanermi PAJ1647-mi pilersaarutaagaluartutut decemberip qulingani 2016 tikinneqarsinnaasimanngimmata.

Arlaleriarluni misiliigaluareerluni Patuttaat angalanermi PA1647-mi Upernavimmut utertariaqarsimavoq nunaqarfimmullu assartugaagaluit niullugit Upernavimmi quersuarmut inissittariaqarsimallugit.

Kitaani ukiup sikua sukkasuumik annertusiartorpoq maannalu aalaakkaasunngulereerluni, Royal Arctic Line-imiillu naatsorsuutigineqarpoq piffissami aggersumi nunaqarfiit arlaqartut tikinniarnerini ajornartorsiornerit takkukkumaartut.

Royal Arctic Line-imit pissutsit malittareqqissaarneqarput sunalu tamaat atorlugu piffissaliussat iluini assartukkat apuussorniarneqassallutik. Sikunerali pilersaarutaasutut angalaniarnernut sunniuteqartussaassaaq. Royal Arctic Line-illu tungaanit umiarsuaatigisat sapinngisamik atorluarniarneqassapput.

Naatsorsuutigineqanngilaq nunaqarfiit, Nuussuaq aammalu Kullorsuaq 2017-imi upernartinnagu aqqusaarneqaqqissinnaajumaassasut.

Sullitat eqqorneqartut Nuussuarmut Kullorsuarmullu nassiussaat angalanissamut 1717-imut nuunneqassapput inniminniisimanermi uppernarsaasiussat allanngortinnagit. 

Sullitallu Nuussuarmut Kullorsuarmullu nassiussaqartut saaffiginninnikkut assartortitaminnik Upernavimmukartussanngortitsisinnaapput, tamanna kissaatigigunikku.

Inassutigiumavarput assartortitasi/nassiussasi sillimmasertissimagussigit, taava sillimmasiisarfimmut sillimmasiiffiigisimasassinnut saaffiginninnissasusi.

Apeqqutissaqarussi saaffiginnissaasi aqqutigalugit Royal Arctic Linep sullitanut kiffartuussivia oqarasuaat normu +299 70 15 00 imaluunniit email: kundeservice@ral.gl.