20.12.16 14:30

2017-imut tunngaviusumik ingerlaarfissatut pilersaarut

 

Royal Arctic Linep 2017-imut tunngaviusumik ingerlaarfissatut pilersaarutaa Namminersorlutik Oqartussaninngaanniit akuerineqarpoq.

Akuerineqarneranit Qasigiannguit kvartalimi siullermi tikinneqartartussanngorpoq, kisiannili tassani siku apeqqutaalluni allannguisoqarsinnaasassaaq.

”9/12 malillugu ingerlaarnerit” maajip qulingat 2017 tikillugu ingerlanneqassaaq, taassumalu kingorna tikittartut sapaatip akunnikkaanissallutik.

Sapaatip akunneri pingasukkaartumik Nuka Arcticap kujammukaarnermini Reykjavik aqqusaartassavaa, tulattarnissarlu taanna februaarip qulingani 2017 aallartinneqassalluni. Maajimiillu Naja Arctica tulattalissaaq. Tulannissamulli assartugassat apeqqutaasassapput. 

2017-imut tunngaviusumik ingerlaarfissatut pilersaarut ugguuna takuneqarsinnaavoq.

Pilersaarutini allanngortoqaraangat atuisunut kaalluaasinnaasumik tamakku paasissutissiissutigineqartassapput kaalluaatit malunniutinnginnerini.

Saqqummiunneqartut pillugit apeqqutissaqassaguit Royal Arctic Linep atuisunut kiffartuussivia Kalaallit Nunaanniittoq saaffigineqarsinnaavoq kundeservice@ral.gl –imut oqarasuaammulluunniit +299 70 15 00-imut. Atuisunut sullissivik Danmarkimiittoq aamma saaffigineqarsinnaavoq bookingaalborg@ral.dk –mut oqarasuaammulluunniit +45 99 30 30 99-imut.