25.10.13 12:30

Royal Arctic Logisticsimit suleqatigineqalerpoq TVG-Zimsen

 

Suliffeqarfiup Royal Arctic Linep pigisaata, assartuinermik sullissisarfiup Royal Arctic Logisticsip Islandimiut assartuinermik sullissisarfiutaat TVG-Zimsen suleqatigiinnissamik atsioqatigaa.

-          Ataatsimut isigalugu suleqatigiinnerup tamatuma Kalaallit Nunaanni pitsaasumik inissisimareernerput pitsanngorsassavaa, Royal Arctic Logisticsimi pisortaaneq Lars Østergaard oqarpoq.

 

Suleqatigiinnissamik isumaqatigiissutip kingunerisaanik Kalaallit Nunaanni sullitakkat nunarsuaq tamakkerlugu assartuititsinissaminnut amerlanerusunik periarfissaqalerput.

 

-          Kalaallit niuernerata sullinneqarnerani periarfissat arlaqarnerulerput aamma Tunumit annertunerusumik sullissisarnerput periarfissaqalerpoq, Lars Østergaard oqarpoq.

 

TVG-Zimsenimit aammattaaq suleqatiginnissaq qilanaarineqarpoq tamatuma Kalaallit Nunaanni niuerfimmut periarfissinnera pissutaalluni.

 

-          Nuannaarutigaarput aamma tulluusimaarutigalugu Royal Arctic Logisticsimit, aallussilluartuusumik aamma Kalaallit Nunaanni niuernermi inissisimalluartuusumik, suleqateqalernerput. Kalaallit Nunaanni siunissami periarfissat pissanganartuupput. Uagut isumaqarpugut Royal Arctic Logisticsimit suleqateqalernitta Kalaallit Nunaannut assartuinermi sullissineq pitsaasumik aamma isumannaatsumik qulakkiissagaa, TVG-Zimsenip pisortaa Björn Einersson oqarpoq.