14.06.13 04:00

Tasiilami

umiarsuaq siulleq

Naak sikorsuaqangaatsiaraluartoq ullaaq manna Arina Arcticap Tasiilamut tikinnissani iluatsippaa.

Ullaaq innuttaasut amerlasuut qamutilittartunit itertinneqarput, tassalu umiarsuup siulliup tunumut tikissimanerata ilisarnaataa. 

Umiarsualiviup pisortaa, Gaba Kristiansen: - Umiarsuaq siulleq innuttaasut akornanni assut nuannaarutaasarpoq. Ullaaq nalunaaqutaq arfineq-marlunut umiarsuaq tulappoq, tamatumalu kingorna usingiarluta ulappuserpugut. 

-          Kingullermik novembarimi umiarsuaqarpugut, taamaattumillu Arina Arcticap tikinnera illoqarfimmi innuttaasunit nuannaarutigineqaqaaq. Tamannami isumaqarpoq pisiniarfinni nutaanik nioqqutissaqalissasoq. Ilaatigut yoghurt-it qallersuutissallu amigaatigisimavagut, Gaba Kristiansen oqarpoq.