24.06.13 04:00

2016-imi umiarsualivik nutaaq

 

Naalakkersuisut ullumi aalajangerput Nuummi umiarsualiviup allineqarnissaanut aalajangiussaq attatiinnarniarlugu.

Naalakkersuisunit nalunaarutigineqartoq nuannaarutigeqaarput, pisortap tullia John Rasmussen oqarpoq. Suliaq sivisusimavoq pisariaqarsimallunili.

Umiarsualivittaassaq Royal Arctic Linep siunissamut pilersaarutaanut pingaaruteqarpoq, taamatuttaaq aamma Kalaallit Nunaata attaveqarneranut pilersorneqarneranullu. Siunissaq ungasinnerusoq isigalugu aalajangiussap inuiaqatigiinnut tamanut iluaqutaalernissaanut peqataanissarput qilanaarivarput.

Pilersaarutit malillugit umiarsualivittaassaq 2016-imi atoqqaartinneqarnissaminut piariissaaq. Naatsorsuinerit malillugit Nuummi umiarsualiviup allineqarnissaa katillugit 687 millionit koruuninik akeqassaaq.