TNI Allaffissorneq

Allaffimmiutut ilinniarneruvoq, aningaasaqarnermut tunngaviusumik ilinniartitaaffiusoq, qarasaasiaqarnikkut taakkununnga tunngasunik suliffiusoq. Taakku sakkut suliffeqarfiup ulluinnarni aningaasaqarnikkut aqunneranut qulakkeerinnittuupput, sulinermilu uppernarsaasiinermi pingaaruteqartuullutik

TNI ilinniartutut qullersaqarfimmi immikkoortuni assigiinngitsuni sulinissamut periarfissinneqassaatit, imaluunniit umiarsualiveqarfinni anginerni suliffeqarfimmi aningaasaqarnikkut ingerlariaatsit sukumiisumik ilinniarsinnassavatit. Ilinniartitaanerup ingerlanerani sumiiffinnik paarlaateqatigiissinnaasoqarpoq, umiarsualiveqarfinni nunatsinni Aalborgemiluunniit.

Ilinniartitaanerup ingerlanerani suliassinneqartassaatit, atuarninni ilinniakkavit suliffeqarfimmi piviusumut attavilerneqartartussanik. Taakku aaqqissorneqartassapput immikkoortortaqarfimmi ilinniarfiit peqatigalugu, immikkoortortaqarfiullu suliarpiaanut sapinngisamik sammitinneqartassallutik.  

Ilinniartitaaneq umiarsuaatileqatigiiffiup immikkoortortaani assigiinngitsuni Nuummi Qaqortumiluunniit niuernermik ilinniarfiit nikerarfigalugit ingerlanneqassaaq.

Qinnuteqaat
Royal Arctic Line A/S-imi ilinniartunngornissamik imaluunniit lærlinginngornissamik qinnuteqaatit atorfiit inuttaqanngitsut aqqutigalugu nassiunneqassapput sungiusaatigalugu suliffissaq pillugu allagarsiussarput innersuussutigalugu.