Sullitanit apeqqutigineqarnerpaat

– Akissutit takukkit uani

Aallarfissaanut aamma tikiffissaanut assartueqqinneq
Kalaallit Nunaanni aallarfissamut aamma tikiffissamut assartueqqinnerup akia paasiniarukku taava assartuinermut immikkoortortaqarfipput attaveqarfigissavat uunga:
rasnu@ral.gl imaluunniit telefon +299 34 92 90.

Danmarkimi imaluunniit Europamut aallarfissamut aamma tikiffissamut assartueqqinnermut tunngatillugu attaveqarfigineqassaaq bookingaalborg@ral.dk telefon +45 99 30 30 99.

Nassiussanik qerisunik assartueqqinnermut akit uani takuneqarsinnaapput.

Akigitinneqartunik paasiniaaneq
Nalorniguit nassiussavit qanoq akeqarsinnaanerat taava Bookingcentererput attaveqarfigisinnaavat ugguuna booking@ral.gl imaluunniit telefon +299 70 15 00, taava ikiussavaatit imakkut assartuinerup qanoq akeqarneranik ilisimatillutit. Akinik paasiniaanermi taava eqqaamassavat ilisimatitsissutigissagakkit oqimaassuseq aamma angissuseq (takissuseq, silissuseq aamma portussuseq), taamatuttaaq umiarsualivik nassiussiffik aamma tikiffissaq.

Una tooruk kiisalu Royal Arctic Linemi assartuinermi akigitinneqartut pillugu atuarlutit.

Immersugassanik assigiinngitsunik immersuinissamut ilitsersuutit

  • Usit nalinginnaasut
    Danmarkimut usinik nalinginnaasunik nassiussinermi taava proformafaktura immersorneqassaaq. Usit suunerat aammattaaq qanoq naleqatiginerat ilisimatitsissutigineqassapput.

  • Qerisut
    Danmarkimut qerisunik nassiussinermi qerisunik nassiussinermi immersugassaq immersorneqassaaq. Innuttaasut 30 kiilut tikillugit nassiussisinnaapput poortukkallu immikkoortiterneqassapput 5 kiilukkaarlugit.
    Qerisut pillugit annertunerusumik atuarit ugguuna
  • Tammajuitsussatut pisat nassiunneqarnerat
    Tammajuitsussatut pisanik uumasut kukiffallit amiinik aanaveersarneqanngitsunik aamma timmissanik kivigassanik nassiussinermi, taakku ilaqartinneqassapput Kalaallit Nunaanni inuussutissalerinermut oqartussaasunit / uumasut nakorsaanit nappaateqannginnerannut uppernarsaat.
    Tammajuitsussatut pisanik nassiussineq pillugu annertunerusumik atuarit ugguuna

Allanik apeqqutissaqaruit Bookingcentererput attaveqarfigisinnaavat.

Track
Uani "Track and Trace" immikkoortumi nassiussat allagartaata normua atorlugu nassiussat sumut killinnerat malinnaaffigisinnaavat.
Annertunerusumik atuarit ugguuna

Allanik apeqqutissaqaruit Bookingcentererput attaveqarfigisinnaavat.

Nassiussakka qaqugu aaneqarnissaminnut piariissappat?
Umiarsuaq illoqarfimmut tigusiffissamut tikinnginnerani sullitaq nassiussat allagartaanik nassinneqassaaq, tassani takuneqarsinnaalluni nassiussat qaqugu aanneqarnissaminnut piariissanersut.
Annertunerusumik atuarit ugguuna

  • Illit aammattaaq takusinnaavat bookingimut uppernarsaammi imaluunniit tunniussinermut uppernarsaammi nassiussat qaqugu tikiffissaminnut tikinnissaat naatsorsuutigineqarnersoq.
  • Atorsinnaavat aammattaaq track and trace nassiussallu malinnaaffigalugit.

Allanik apeqqutissaqaruit Bookingcentererput attaveqarfigisinnaavat.

Quersuarmik, inissiinermut aamma containerimik atuineq
Quersuarmik atuineq sapaatit akunneranut naatsorsorneqartarpoq, nassiussat aaneqarsimanngikkaangata.
Akit takukkit ugguuna

Inissiiffimmik atuinermut ullormut naatsorsuisoqartarpoq, nassiussat aaneqarsimanngikkaangata.
Akit takukkit ugguuna

Containerimik atuinermut ullormut naatsorsuisoqartarpoq, nassiussat ullorsiutini ullut tallimat ingerlanerini umiarsualivimmut tunniunneqarsimanngippata.
Akit takukkit ugguuna

Allanik apeqqutissaqaruit Sullittakkanik sullissivipput attaveqarfigisinnaavat.

Moms aamma ilanngaaserineq
Sullinneqartut tamarmik eqqumaffigissavaat Danmarkimut nassiussinermi ilanngaaserineq aamma moms ilanngunneqarsinnaasarmata. Moms 25 %-iuvoq ilanngaaserinermillu suliaqarneq 300 koruuninik akeqarluni.

Taamaattorli ilanngaaserinermut ilanngunneqartanngitsoqarpoq. Nassiussat 50 kg. inorlugit oqimaassuseqarpata aamma nalingisa 3.000 koruunit sinnersimanngippatigit, taava Danmarkimut eqqussinermi ilanngaaserinermut akiliinngitsoorsinnaavutit.

Taamaattumik Danmarkimut nassiussassanik tunniussinermi pingaaruteqarpoq illit immersugassanik assigiinngitsunik, nassiussassanik bookingiinermi ilinnut nassiunneqarsimasunik immersuisimanissat aamma taakku nassiussiartorninni nassarnissaat.

Allanik apeqqutissaqaruit Sullittakkanik sullissivipput attaveqarfigisinnaavat.

Sinerissami ammasarfiit
Umiarsualiviit ammasarfii takusinnaavatit ugguuna

Kingusinnerpaamik tunniussiffissat
Attaveqarfigiuk  sumiiffinni umiarsualivik imaluunniit Bookingcenteret, tassuuna paasiniarlugu sumiiffinni umiarsualivimmi kingusinnerpaamik tunniussiffissaq.

 

Allartiffianut