Umiarsualivinni sullissinerit
Kalaallit Nunaanni umiarsualiviit 13-it, Royal Arctic Linep kattutaasut kiffartuussissutinik arlalissuarnik neqerooruteqartarput, tassanilu umiarsuit kisimik pineqaratik, aammattaaq suliffeqarfiit, inuleriviit, oqartussaasut namminersortullu pineqarput.
Illoqarfimmut allamut nuunniaruit siunnersuissalluta akillu pillugit paasissutissiissalluta piareersimavugut. Kalaallit Nunaanni Danmarkimilu pequtinik nutserussisartunut attaveqarniaruit ikiorsinnaavatsigit.
Suliffeqarfittut usingiaanermik/usilersuinermik isumagisaqartutut naapertuilluartunik suliassanillu sunilluunniit isumaginnissinnaasunik sulisoqarpugut assakaasulinnillu atortoqarluta, taakkunani taaneqarsinnaallutik truckit innaallagiatortut dieselitortullu, containerinut ilioraaviit, gummigedit kiisalu truckit containerilerissutit. Kilisaatit usingiarneqarnissaat kiisalu containerinik immiinissaq imaajaanissarlu neqeroorutigisarpagut.
Umiarsuarnut imermik tunisisinnaavugut innaallagissersuisinnaallutalu, umiarsuit saneraannut renovationscontainerinik ilisisinnaavugut kiisalu pituttornermi ikiuussinnaavugut. Umiarsualiviit allaffiiniit sikut silalu pillugit paasissutissanik tunniussisinnaavugut.
Sullitap nammineq kiffartuussissutit arlaat atussanerlugu aalajangertarpaa. Sulisunik atortunillu atuinermut nalunaaquttap akunneranut aalajangersimasumik akeqartitsivugut siumoortumillu neqe-rooruteqarsinnaalluta, taamaalillunilu aningaasartuutissat tamakkiisut ilisimaneqareersinnaallutik.
Siunnersorneqarusukkuit najukkanni umiarsualivimmut attaveqarnissannut tikilluaqqusaajuarputit: Akuttungitsumik ilungersuutissanik pinngitsuuiffigisinnaasannik aningaasanillu sipaarfigisinnaasannik ikiuussinnaasarpugut.
Akiisivinnguaq / sullissineq / kiffartuussineq
Akit piumasaqaatillu januaarip aallaqqaataani 2024-imit atuutilerput.
