Allagartalersuineq aamma uppernarsaasersuineq

Nassiussat navianartut poortorneqassapput aamma allagartalersorneqassapput, taamaaliornikkut qulartoqarsinnaajunnaassaaq poortugaq sumik imaqarnersoq

Tunngaviusumik maleruagassat
Nassiussat navianartut allagartalersorneqarnerat inatsisit attuuttut tunngavigalugit pisussaavoq. Tamatuma kingunerisaanik imatut iliortoqassaaq:

  • Normut, allagartat aamma navianartunut ilisarnaatit pisoqqat piiarneqassapput, taamaaliornikkut paatsiveeruttoqaqqunagu allagartat aamma normut akuutissamut poortukkamiittumut suut attuumassuteqartuunersut
  • Poortuutigisap qaava allagartaliinnginnermi allarterneqassaaq, taamaalilluni qalipaat aamma allagartaq nippulluarnerussammat kiisalu assammik allattoqarsimappat atuaruminarnerussammat
  • Ilisarnaatip normua allanneqassaaq imaluunniit ilisarnaatip allagartaa nipitinneqassaaq tassa ilisarnaat tassunga attuumassuteqartoq. Ilisarnaatit naqiterneqareersimasut Royal Arctic Linemut piniarneqarsinnaapput.

Uppernarsaasersuineq
Nassiussanik navianartunik nassiussinernut tamanut atatillugu taava usitut navianartutut nalunaarutigineqassapput  (Dangerous Goods Declaration).
Usinut navianartunut nalunaarut tassaavoq nassiussisumit nalunaarut nassiussat navianartutut nassiunneqarniartut, ilumut tassaasut nassiunneqarniartut taakkuusut assartuisussamut tunniunneqartut, aamma taakku eqqortumik poortorneqarsimasut allagartalersorneqarsimallutillu. Nalunaarut eqqortumik immersorneqarsimassaaq aamma tassani allattorneqarsimassapput nassiussat navianartut nassiunneqarniartut pillugit paasissutissat pisariaqartut. Nassiussat nassiunniarlugit tunniunneqartut, nalunaarsuinermut immersugassartaanni eqqortumik immersuisoqarsimanngippat, nassiunniakkat tiguneqassanngillat.

Allagartalersuineq
Poortuutigisat nassiussanik navianartunik imaqartut allagartalerneqassapput teknikimi taaguut eqqortoq atorlugu (niuernermi taaguutigineqartut atoqqusaanngillat) aamma erseqqissumik allagartamik allagartalerlugit imaluunniit plademik ikkuttakkamik ilisarnaaserneqassapput, tassani erseqqilluinnassaaq navianassusiata qanoq ittuunera. Poortuutigisat killeqartumik imaqartut, aammattaaq nassiussat annertuut poortuunneqarsinnaasut assartorneqarsinnaallutillu imminnut ataqatigiittutut ilisarnaaserlugit eqqarsaatigissanngikkaani, taava poortuutigisat tamarmik taamatut allagartalerneqartassapput.

Containerit allagartalersorneqarneranni allagartalersuisoqassaaq containerip sanerai tamakkerlugit (saavani, tunuani aamma saneraani takinerni marlunni tamani).
Container
Poortukkanik allagartalersuinermi saneraani marlunni (saavani aamma tunuani) allagartaliisoqassaaq.

Colli

Nassiussisup akisussaaffigaa suut tamarmik piareersimanissaat aamma eqqortumik passunneqarsimanissaat. Taamaattumik teknikimut paasissutissanut tunngatillugu Royal Arctic Line ikiuuteqqusaanngilaq.

Taamaattorli usit navianartut assartorneqartarnerat pillugu apeqqutissaqaruit nangaassuteqarnak umiarsuit angalanerannut immikkoortortaqarfik attaveqarfigisinnaavat uunga telefon +299 34 91 17 imaluunniit imdg@ral.gl.

-----------------------------------------------

Usinut navianartunut ilisarnaatit

Pdflogo Pdflogo Pdflogo

Deklaration

Vejledning

Eksempel