Akisussaasuuneq aamma pisussaaffiit

Uani takusinnaavatit usinik navianartunik assartuinermut atatillugu illit suna akisussaaffiginerlugu aamma assartuisup suna akisussaaffigineraa

Nassiussisoq imatut iliussaaq:

  • Nassiussat suunerinik immikkoortiterissaaq aamma ilisarnaasersuilluni (usit navianartut ilisarnaataannik) tassani malinneqassaaq IMDG-kode
  • IMDG-kode malillugu nassiussanik poortuissaaq
  • Poortukkat ataasiakkaarlugit teknikimi aqqi eqqortut (proper shipping name) atorlugit allagartalersorneqassapput, nipitinneqassappullu UN-nr., navianassusianut allagartat aamma pisariaqarpat marine pollutant- allagartaq
  • Uppernarsarlugu atsiussaaq nassiussat eqqortumik poortorneqarsimasut aamma nalunaaqutsersorneqarsimasut aamma imaatigut assartorneqarnissaminnut naleqquttut
  • Qulakkiissavaa assartuinermut atorneqartumi nassiussat poortoqatigisassarinngisaminnut poortorneqarsimannginnerat
  • Poortuinermut uppernarsaammik containerimut imaluunniit lastimut ikineqarneranni

 Taakku saniatigut nassiussisup qulakkeertussaavaa poortuisimaneq tassa:

  • ninngusuumut aamma isumannaatsumik pisimasoq
  • imatut iliortoqarsimasoq iluani iikkat imarisaminik attuuffigineqassagaluarunik, akuutissamik assartorneqartumik navianartumik sunnerneqassanatik
  • nalinginnaasumik nalorninarsinnaasut akiorsinnaagai, tassa imaatigut assartuinermut atatillugu passussinermut tunngasut
  • minnerpaamik IMDG-kode tunngavigalugu nalunaarsuisarnissatigut akuerisaasut

Assartuisoq imatut iliussaaq:

  • Qulakkiissavaa inuttaasut ilinniartitaanernik pisariaqartunik ilinniagaqarsimanerat
  • IMDG-kode tunngavigalugu usinik immikkoortiterinissamik isumaginnissaaq
  • Usit navianartut umiarsuarmiittut aamma sumut inissinneqarsimanerat pillugit allattukkamik suliaqassaaq
  • Qulakkiissavaa iliuuseqarnissamut atortussat pisariaqartinneqartut umiarsuarmiinnissaat.

 

Usit navianartut assartorneqartarnerat pillugu apeqqutissaqaruit nangaassuteqarnak umiarsuit angalanerannut immikkoortortaqarfik attaveqarfigisinnaavat telefon + 299 34 91 17 12 imaluunniit imdg@ral.gl.

 

-----------------------------------------------

Usinut navianartunut ilisarnaatit

Pdflogo Pdflogo Pdflogo

Deklaration

Vejledning

Eksempel