Sikuki fee

Royal Arctic Lineminngaanniit Sikuki sinnerlugu ”nassiussassanut atuisup akiliutaa”-nut akitsuut attuumassusilik akiligassiissutigineqartarpoq, akitsuullu taanna nunani allani ilisimaneqarluarpoq.

Akitsuut assartugassat Royal Arctic Line aqqutigalugu Nuummi umiarsualivitsinni umiarsuarnit usingiakkanut umiarsuarnulluunniit usilersugassanut atuuppoq. Aammattaaq taanna atuutsinneqartarpoq nassiussassat Nuuk aqqusaarlugu umiarsuarnut allanut ilaallutik assartorneqaqqittussanut.

Royal Arctic Lineminngaanniit akiligassani akitsuutit taakku nalunaarsorneqartassapput ”Sikuki fee FCL”-inik aammalu ”Sikuki fee LCL”-inik. Akitsuutillu imannak naatsorsorneqartarput:

FCL    (containereq ilivitsoq) TEU-mut ataatsimut 54,00 DKK *
LCL (assartugassat nalinginnaasut angisuullu) tonimut 15,00 DKK **
Bulk (assartugassat anginerumaat) tonimut ataatsimut 15,00 DKK

Nassiussassanut Nuummut aqqusaariarlutik illoqarfinnut allanut ingerlaqqittussanut ”nassiussanut atuisut akiliutaa” usingiarnermi umiarsuarmullu allanut usilersueqqinnermut atuuppoq.

*TEU: 20 fodsimut ataatsimut 54,00 DKK, 40 fodsimut ataatsimut 108,00 DKK.
Assersuutigalugu containereq 20 fodseq Aalborgiminngaanniit Maniitsumut ingerlaartussaq Nuummi umiarsuarmut allanut nuunneqassappat, usingiaanermut 54 kr. akiligassiissutigineqassaaq feederimullu aamma usilersuisoqarneranut aamma taamak annertutigisumik akiligassiissusiisoqaqqissalluni. Akiligassaq katillugu 108 kr.-iussaaq. Tamannalu aamma LCL-inut oqimaassusilikkaanik akiligassiissutigineqartartunut atuuppoq.

** Tonimut ataatsimut 15,00 DKK-neqarpoq, tonsimullu nutaamut qaffatsinneqartuaannarluni toni qaangernerit tamaasa. Assersuutigalugu assartugassaq 500 kiluusimappat akitsuut 15,00 DKK-jussaat. 30,00 DKK-jussallunilu assartugassaq 1.200 kilomik oqimaatsigippat.

Paasissutissiissutigineqartut pillugit apeqqutissaqassaguit Royal Arctic Linep atuisunut kiffartuussivia oqarasuaammut +299 70 15 00-imut imaluunniit emailikkut kundeservice@ral.gl –imut saaffiginnittoqarsinnaavoq.